Ally Bally, Ally Bally Bee,
Sittin on yer mammy’s knee.
Greetin for another bawbee,
Tae buy mair Coulter’s Candy.

Puir wee Jeanie’s lookin’ awfie thin,
Just a rickle o banes covered ower wi skin.
Noo she’s gettin a wee double chin,
Frae sookin Coulter’s Candy.

Mammy gie’s me a thrifty doon,
Here’s auld Coulter comin’ roon’,
Wi’ a basket on his croon,
Selling Coulter’s Candy.

Little Annie’s greetin’ tae,
Sae whit can puir wee Mammy dae,
But gie them a penny atween them twae,
Tae buy mair Coulter’s Candy.

Willie gret baith lang and sair,
Till he got a penny tae share.
Noo he’s tumblin doon the stair,
Tae buy some Coulter’s Candy.

Ally Bally, Ally Bally Bee,
Sittin on yer mammy’s knee.
Greetin for another bawbee,
Tae buy mair Coulter’s Candy.