Scottish Rhymes and Songs in celebration of
St Andrew’s Day
November 30th
Coulters Candy
Ally, bally, ally bally bee,
Sittin’ on yer mammy’s knee
Greetin’ for a wee bawbee,
Tae buy some Coulter’s candy.
Ally. bally, ally, bally bee,
When you grow up you’ll go to sea,
Makin’ pennies for your daddy and me,
Tae buy some Coulter’s Candy.
Poor wee Jeannie’s lookin’ affa thin,
A rickle o’ banes covered ower wi’ skin,
Noo she’s gettin’ a wee double chin
Frae sookin’ Coulter’s Candy.
Katie Beardie
Katie Beardie had a coo
Black and white aboot the mou’
Wasnae that a dainty coo?
Dance, Katie Beardie.
Katie Beardie had a hen,
Cackled but and cackled ben.
Wasnae that a dainty hen?
Dance, Katie Beardie.
Katie Beardie had a wean
Widnae play oot in the rain.
Wasnae that a dainty wean?
Dance, Katle Beardie.
Katie Beardie had a cat,
Sleek and sly and unco fat.
Wasnae that a dainty cat?
Dance, Katie Beardie
Three Craws
Three craws sat upon a wa’,
Sat upon a wa’, sat upon a wa’,
Three craws sat upon a wa’,
On a cauld and frosty mornin’.
The first craw was greetin’ for his maw,
Greetin’ for his maw, greetin’ for his maw,
The first craw was greetin’ for his maw,
On a cauld and frosty mornin’.
The second craw fell and broke his jaw,
Fell and broke his jaw, fell and broke his jaw,
The second craw fell and broke his jaw,
On a cauld and frosty mornin’.
The third craw, couldnae flie at a’,
Couldnae caw at a’, couldnae flie at a’,
The third craw, couldnae flie at a’,
On a cauld and frosty mornin’.
An that’s a’, absolutely a’,
Absolutely a’, absolutely a’,
An that’s a’, absolutely a’,
On a cauld and frosty mornin’
Ye Cannae Shove Yer Granny
Ye cannae shove yer granny aff a bus
Ye cannae shove yer granny aff a bus
Ye cannae shove yer granny
Fur she’s yer mammy’s mammy
Ye cannae shove yer granny aff a bus.
Wee Willie Winkie
Wee Willie Winkie
Rins through the toun,
Up stairs and doun stairs
In his nicht-gown,
Chappin’ at the window,
Crying through the lock,
“Are the weans in their bed,
It’s past eight o’clock?”
