Twa Leggit Mice

My mither says that we hae mice
That open air-ticht tins
And eat her chocolate biscuits
And cakes and siclike things.

Nae doubt it is and awfu shame
That mice should get the blame,
It’s really me that rypes the tins
When left my lane at hame.

But jings! I get fair hungert
And biscuits taste sae nice
But dinna tell ma mither for
She thinks it is the mice.

J.K. Annand